Lalduhoma chuan, Mizorama by-election awm tawhah hian ruling party an chak deuh vek a, hmun hnihah opposition an chak a. Phuldungsei-ah opposition an lo chak tawh a, chu chu boruak dang daih a ni a. Serchhip bialah MLA aţanga min ban avang khan by-election a awm a, he inthlanah hian kan chak a. Eng emaw thil danglam bik a thleng a nih loh chuan ruling party chanah dah a ni deuh ţhin. Dampa bialah pawh hian chutiang chu a kan beisei, a ti a.

Lalduhoma chuan, Dampa bial chu India rama district hnufual leh changkang lo, aspirational district a ni a. Hei hi ZPM chuan chhanchhuah che u kan duh a ni. Kum 38 vel chhung khan Congress leh MNF sawrkarna hnuaiah, ruling bial in lo ni tawh ţhin a. Tuna hetiang dinhmuna in awm chhan hi a lo bial tawhtu che u khan mawh an phur kan ti lo thei lo, a ti.

 "Opposition bial in ni chungin Vanlalsailova hian, 'Chu chu kan mamawh, chu chu min tihsak ve rawh,' a rawn ti ţhin a. Theih tawp a chhuah ţhin a ni. Special Priority Project hnuaia hna te pawh min rawn dil a. Chumi hnuaiah chuan khaw tinin hna in thawk mek a ni. Ka bial aiin in vannei,"  Lalduhoma chuan a ti. 

Lalduhoma chuan, Dampa biala sawrkar hmalakna hrang hrang sawiin, kalphung thar mipui sawrkar thawhpuia ZPM candidate vote turin Dampa bial mipui a sawm a ni.